Dentro do proxecto Abrindo portas en galego, desenvolto polo Equipo de Normalización e Dinamización da Lingua Galega (ENDL), organizamos múltiples actividades, e unha delas afecta aos empresarios da hostalerí­a de Rianxo.

Desde o ENDL ofrecémoslle a tradución ao galego, castelán, inglés, francés e portugués dun determinado número de produtos elaborados nas súas cociñas.

A continuación incluímos a información traducida nunha maqueta cun deseño atractivo que será común para todos e onde  se pode incluír  o anagrama das empresas.