O Servizo de Normalización Lingüística e mais a Biblioteca Municipal de Rianxo organizan unha actividade para celebrar a data do nacemento de Rosalía de Castro, o 24 de febreiro de 1837.

A narradora oral, actriz e ilustradora Marisa Irimia, presenta o espectáculo “Contando con Rosalía”, un achegamento á poesía e á narración oral dun xeito lúdico, divertido e saboroso, no que se combinan rimas, poesías e contos para conmemorar o aniversario do
nacemento de Rosalía e achegarlle á rapazada rianxeira esta figura senlleira da nosa cultura e da nosa literatura.

A actividade está dirixida á rapazada de 4 a 11 anos e vai celebrarse o venres 23 de
febreiro, ás 17.30 h na biblioteca municipal. Para participar cómpre anotarse previamente no Servizo de Normalización Lingüística, no teléfono 881 988 891 ou no correo-e: normalizacion@concelloderianxo.gal

Esta sesión de poemas e contos para compartir está incluída nas actividade do programa
Apego, de dinamización lingüística da primeira infancia. E vai ser unha excelente
oportunidade de transmitirlles ás máis pequenas da casa a sensibilidade pola poesía e
mostrarlles a musicalidade da poesía da nosa poeta nacional, Rosalía de Castro.